Kryedemokrati Lulzim Basha komentoi vendimin e kryeministrit Rama për të rrëzuar të mërkurën kërkesën e Prokurorisë për arrestimin e Saimir Tahirit. Në përfundim të mbledhjes së Grupit Parlamentar të PD-së, Basha tha se kryeministrin e ka marrë peng ish-ministri i Brendshëm, për të cilin shkeli jo vetëm ligjin por edhe Kushtetutën.
“Prokuroria shqiptare paraqiti një kërkesë të vetme pas 4 vitesh hetime nga Antimafia italiane. Edi Rama e rrëzoi kërkesën, çdo gjë tjetër është propagandë. Ai shkeli Kushtetutën dhe ligjin, për të mbrojtur Tahirin”,- tha Basha.
Sipas Bashës, de facto Edi Rama ka rënë si kryeministër e bashkë me ta drejtësia e procesi i vettingut. “Drejtësia është e marrë fund, vettingu po ashtu”,- shtoi ai.
https://www.facebook.com/lulzimbasha.al/videos/1668542146530293/
