Në më pak se dy vite, qyteti ynë është kthyer në një kantier të gjallë pune, ku çdo rrugë, çdo shesh e çdo hapësirë urbane po merr frymën e re të zhvillimit. Kemi trashëguar një infrastrukturë të amortizuar dhe projekte të shpërndara në letër, por sot, falë vizionit të qartë dhe mbështetjes së Qeverisë Shqiptare, po ndërtojmë një Shkodër moderne, funksionale dhe të denjë për qytetarët e saj.
Mbi 10 kilometra rrugë të brendshme janë riasfaltuar apo rehabilituar, falë investimeve të Qeverisë e bashkisë dhe punës së palodhur të ndërmarrjes së shërbimeve publike. Janë rikualifikuar 4 sheshe publike, që sot ofrojnë më shumë gjelbërim, hapësira për fëmijët dhe komunitetin, duke krijuar një qytet më funksional për të gjithë.
Bulevardet Mehmet Pashë Plaku, Bujar Bishanaku, Skënderbeu, por edhe rrugë e rrugica në qendër ë periferi të qyteti kanë qnenë pjesë e ndërhyrjeve duke përfshirë edhe sinjalistikën për një qarkullim më të sigurtë të mjeteve, këmbësorëve e biçikletave.
Gjatë kësaj kohe janë ndërtuar në zemër të qytetit rreth 9 km rrugë bicikletash ku së shpejti do të kompletojmë përhfundimsiht rrjetin e qarkullimit me bicikleta me synimin që çdo banor i Shkodrës të mos jetë më larg se 300 metër nga një korsi e ndarë dhe e mbrojtur bicikletash
Ndërhyrjet po shtrihen edhe në zemrën e lagjeve tona – aty ku për 30 vite është harruar kujdesi për qytetarin. Sheshet pranë pallateve në rrugët Jezuitët, Isuf Sokoli, Vëllezërit Frashëri, Ernest Bushati, Marin Bicikemi dhe Gjon Gazulli janë tashmë pjesë e vëmendjes sonë të drejtpërdrejtë, sic ka qenë edhe infrastruktura e zonave informale dhe lagjeve periferike si në Fermentim.
Mbi 6 milionë euro investime në më pak se dy vite janë dëshmi e angazhimit tonë për një Shkodër më të zhvilluar, më të ndriçuar dhe më të afërt me nevojat e përditshme të qytetarëve.
Vizioni ynë për Shkodrën 2030 është një qytet europian, ku mirëqenia, siguria dhe infrastruktura moderne janë realitet për çdo familje. Kemi projekte shumë konkrete dhe financime të siguruar për parkimet publike dhe përmirësimin rrënjësor të tranportit publik.
Në Shkodër kemi nisur një transformim të madh, nuk ka më kohë për të humbur me ankesa bosh dhe konflikte pa vlerë, ta bëjmë bashkë hapin tjetër. Më 11 maj, voto 5 – Partinë Socialiste, për Shkodrën dhe Shqipërinë Europiane. /Deklaratë për shtyp e Onid Bejleri, kandidat për deputet i PS- së për qarkun Shkodër/
