Matilda Matija ka qenë një figurë kyçe në rritjen dhe suksesin e KFF Vllaznia, duke dhënë një kontribut të madh si koordinatore dhe menaxhere për rreth 10 vite. Me përkushtimin dhe vizionin e saj, ajo ka ndihmuar në forcimin e ekipit dhe zhvillimin e futbollit femëror në Shkodër, duke krijuar mundësi të reja për vajzat që duan të ndjekin këtë sport.
Tani, ajo ka vendosur të sjellë përvojën dhe pasionin e saj në një fushë tjetër, atë të politikës, me synimin për të ndihmuar qytetin e Shkodrës dhe për të qenë një zë i fortë edhe për sportin. Me siguri, Matilda edhe në këtë rrugëtim të ri do të gjejë mbëshjtetje dhe jemi të sigurt se angazhimi i saj do të sjellë ndryshime pozitive në politikën shqiptare, si një zë i kthjellët në Kuvendin e Shqipërisë.
“Me kënaqësi ju njoftoj se do të kandidoj si deputete për qarkun e Shkodrës në zgjedhjet e 11 Majit, si pjesë e Partisë Agrare Ambientaliste. Besoj se është koha për një politikë më të ndershme, më afër njerëzve dhe me një vizion të qartë për zhvillimin e qëndrueshëm të vendit tonë.”, shkruan Matija në rrjetet sociale, duke njoftuar hapin e rëndësishëm në jetën e saj. ShkodraWeb i uron shumë suksese Matildës, duke ecur në një fushë të re dhe me ndikim në jetën e çdokujt, siç është politika.
