Nga qyteti i Shkodrës, ish-kryeministri Berisha ka kërcënuar kryedemokratin Lulzim Basha duke thënë se atë e pret vrima e miut. Ai ka kërkuar që deputetët e qarkut të Shkodrës të bëhen pjesë e lëvizjes së tij dhe të heqin dorë nga Lulzim Basha.berishaaaSipas Berishës, revolucioni i tij nuk do të ndalet dhe se askush nuk ka të drejtë të luajë me pluralizmin politik në Shqipëri.
“Hiqni dorë prej tij se ai është turpi i historisë. U them deputetëve të Shkodrës bashkohuni me qytetin tuaj, me sakrificën dhe heroizmin dhe vizionin e atyre që ju votuan ju.
Ndahuni nga Lulzim Basha se atë e pret vrima e miut nga ky revolucion që nuk ka të ndalur. Askush nuk ka të drejtë të luajë me pluralizmin politik në Shqipëri, ata që mbështesin Bashën, për kryetar opozite ata tallen me përçmim ndaj shqiptarëve, tallen me lirinë, me vlerat e pluralizmit dhe vetë pluralizmin politik në Shqipëri. Nga Shkodra iu drejtoj një thirrje shqiptarëve në Shqipëri dhe diasporë sot më shumë se kurrë, duhet protesta dhe mbështetja juaj. Ju jetoni në vende të lira dhe ju duhet të jeni promotor të rivendosjes së pluralizmit në Shqipëri.
Ata që mbështesin Edi Ramën dhe Lulzim Bashën për të marrë peng pluralizmin do të dështojnë, e ardhmja është e jona, është e atyre që luftojnë për dinjitet kombëtar. Atë seli do ta çlirojmë nga bandat dhe blindet e turpshme“, ka theksuar Berisha nga Shkodra.
