LSI ka vijuar me sulmet e akuzat ndaj kryeministrit Edi Rama. Kryetari i GP te LSI Petrit Vasili, ka percjelle nje tjeter mesazh per median gjate nje konference per shtyp: “Vrasësi u kthye në vendin e krimit, pasi i zhveshi nga cdo përgjegjësi, sepse e drejton ai Policinë e Shtetit dhe jo ligji, pasi e mbolli vendin me drogë, i hapi hapësirat krimit deri në karrigen e qeverisë, zgjodhi të vinte në veprim edhe krimin e 25 qershorit. Pra i bëri dëmin më të madh policisë, dorëzim para krimeve dhe trafiqeve, mbështetes pasiv të tyre e të dorëzuar para krimit, pasi kemi të bëjmë me një narko shtet që drejtohet nga një narkotrafikant”- tha ai.
Duke folur per seencen e te mërkurës ku do të vendoset arrestimi ose jo i Saimir Tahirit, Vasili ka theksuar se ajo është dita e provës së madhe dhe të pakapërcyeshme të Ramës.
“E vërteta e luftës me krimin dhe kjo betejë morale dhe politike është të mërkurën. Të mërkurën ky kryeministër ka një provë të vendoset me krimin apo kundër tij”- tha Vasili, duke iu drejtuar edhe me nje thirrje “Bëj kujdes edhe me joshjen apo presionin që u bën personave kyc ne çështje”. /ShkodraWeb/
https://www.facebook.com/petritvasil/videos/1775654879401003/
