Bashkia e Vlorës i akordoi mirënjohjen, tetovarit hero Benjamin Feratit, i cili u nda nga jeta për të shpëtuar dy vajza që po mbyteshin në Zvërnec.
Titulli i është dorëzuar familjes së 24-vjeçarit në Tetovë nga kryebashkiaku Dritan Leli në një ceremoni të organizuar nga komuna e Tetovës.
“Për t’i dhënë titullin e mirënjohjes së qytetit të Vlorës me motivacionin që ky djalë në lule të rinisë dha jetën për të shpëtuar dy vajza vlonjate në detin e trazuar të asaj dite në Zvërnec. Për Vlorën dhe mbarë shqiptarinë, akti njerëzor i tij do të mbetet një shembull frymëzime”, tha kryebashkiaku i Vlorës, Dritan Leli. Në ceremoni ishte dhe aktorja Tinka Kurti.
(Nese video nuk ju hapet, klikoni mbi logon e Youtube dhe do ju hapet)
