Kryetari i Partisë Demokratike, Lulzim Basha ka akuzuar Sali Berishën se ka themeluar një organizatë anetiamerikane. Në një deklaratë për mediat Basha u shpreh se regjimi i Edi Ramës nuk mund të përmbyset me një person non grata.
“Është një proces politik shprese, një proces politike vërtetësie. Është një proces që është i destinuar të përfundojë me sukses jo vetëm me fitoren e PD, regjimi do të mposhtet jo me një person non grata, por me një parti nën krah të shqiptarëve dhe të SHBA
Sali Berisha është tubi i vetëm që mban në këmbë këtë regjim. Në vend që të merremi sot me hallin e përmbytjeve në vend që të merremi sot me hallin e shqiptarëve.
Në vend që të merremi me këto detyra, duhet të merremi me tollovite e Seli Berishës, këtë nuk ja fal as vetes, Sali Berisha është bërë një barë për demokratet. Është një tub oksigjeni i Edi Ramës dhe është bërë pengesë për betejën tonë. Berisha ka themeluar një organizatë antiamerikane”, tha Basha.
