Situata e këngëtares shqiptare, Parashqevi Simakut, nuk ka mbetur pa u dëgjuar nga asnjë person si i thjeshtë ashtu dhe VIP. Por të paktë kanë qenë ata persona që kanë marrë iniciativën për t’i ardhur në ndihmë Parashqevisë.
Biznesmeni, Elton Ilirjani, nëpërmjet një seri Instastory zbulon se asnjë nga artistët e mëdhenj nuk e mori hapin që t’i jepte sadopak ndihmë kolegës së tyre. E për ta ky i fundit ndjeu me të vërtetë keqardhje.
“Artistë të mëdhënj, nuk habitem fare që nuk keni reaguar për të ndihmuar. Nuk kam koment për ju. Vazhdoni si jeni se jeni shumë mirë ashtu si jeni. Jeni të mëdhenj në mendjen tuaj, por në mendje jeni shumë të vegjël” u shpreh Ilirjani.
Ai jep disa mesazhe të rëndësishme edhe për portalet që dizinformojnë, ndërsa ka kërkuar të mos sulmohet familja e ish- bashkëshortit të Parashqevisë, teksa thotë se takimi me djalin por edhe Robert, do të ndodhë shpejt.
