Seanca e sotme e Kuvendit është ndërprerë për herë të tretë, ndërsa në foltore kësaj here nuk ndodhej kryeopozitari Basha, por kryetari i grupit Parlamentar të LSI-së, Petrit Vasili. Ndërsa i mbaroi fjala, kryetari Gramoz Ruçi e ftoi të braktiste foltoren.
Vasili tha se kjo është salla e tyre pasi ky parlament e kishte humbur legjitimitetin, por ndërkohë që opozitarët flisnin e hidhnin akuzat, kryeparlamentari Ruçi vendosi të hapë votimin për projektligjet. Pasi ka përfunduar votimi, Ruçi e ka cilësuar të mbyllur seancën, teksa opozita vijon transmetimin përmes Facebook të fjalimeve të eksponentëve të saj.
