Deputetja e Qarkut Shkodër Greta Bardeli Gjoni, në fjalën e mbajtur në seancën plenare të Kuvendit, ka folur lidhur me zonën e Dukagjinit, e cila sipas saj, nuk po merr vemendjen e duhur nga qeveria aktuale.
Në një fjalim rreth 5 minuta, ajo ka evokuar vlerat që bart kjo trevë me përfaqësues të denjë e të spikatur në sfera të ndryshme, duke cituar edhe emra konkretë personalitetesh që dalë nga Dukagjini.
“Kombi i detyrohet malesisë së Dukagjinit dhe pasardhësve të atyre grave e burrave qëndrestarë që ruajtën trojet shqiptare, besimin, dijen dhe kulturën në shekuj.
Toka e Martin Camajt e Mhill Markut, Lin Deliaj,Tinka Kurti dhe shumë personaliteteve të tjerë është edhe vendi i 3 bijve martirë të Kishēs Katolike të lumët Çiprian Nika, Gjelosh Lulashi dhe Qerim Sadiku. Sot është koha që kjo zonë të marrë vëmendjen që meriton.”, shkruan Bardeli në një publikim në Facebook, shoqëruar edhe me videon e fjalës së plotë të mbajtur në Kuvend.
