Kur ka mbetur edhe një javë nga dita e votimit, 14 maj 2023, edhe personalitete të artit e të kulturës kanë bërë tashmë zgjedhjen e tyre publike për kandidatët që mbështesin në Shkodër.
Para pak minutave, në një video të shpërndarë në rrjetet sociale nga Benet Beci, kandidat i PS- së për Bashkinë Shkodër, Mjeshtre e Madhe Mukades Çanga, ka dhënë mesazhin e saj, shkruan ShkodraWeb.
Video e postuar nga Beci, shoqërohet me një koment të Shkurtër, shkëputur pikërisht nga mesazhi i ikonës së muzikës popullore shkodrane, Mukades Çanga: “Shetitme gjithkah, por ma t’bukur se Shkodren, nuk gjetme!”.
Mesazhi i Mjeshtre e Madhe Mukades Çanga
Unë quhem Mukades Çanga, kangtare e muzikës popullore. Gjithë jetën s’i jam largu Shkodrës, shetita gjithkah po si Shkodrën ma të bukur s’e gjeta kerkund. A ta them me kangë? Kam rrit shtatin tek ti Shkodër, ku Rozafën e kam motër, emrin tand e freskojnë lulet, para teje hana ulet.
Po Shkodrën e du si vetë kanga popullore, që asht me lule, me dashni, ashtu e du edhe Shkodrën. I baj thirrje gjithë shkodranëve, këto votime janë për Shkodrën, janë për ma të mirën e Shkodrës.
