Kryeministri Edi Rama iu përgjigj sot “live” pyetjeve të adresuara në platformat sociale në rubrikën “Sy m’ Sy” ku u pyet se kur do të përfundojë hyrja e Shkodrës. Kreu i qeverisë u shpreh se, “hyrja e Shkodrës është në proces. Kemi pasur një procedurë jo të lehtë dhe jo dhe aq të shpejtë për arsye teknike me shpronësimet”. Rama theksoi se, “gjithçka është gati, projekti është fantastik dhe Shkodra më në fund është qytet siç i ka hije, me hyrjen siç i ka hije sepse deri më sot ka qenë e fshehur pas një hyrjeje katastrofike dhe krejtësisht të padenjë për emrin dhe për reputacionin e Shkodrës”.
Edi Rama: Hyrja e Shkodrës është në proces. Kemi pasur një procedurë jo të lehtë dhe jo dhe aq të shpejtë për arsye teknike me shpronësimet. Gjithçka është gati, projekti është fantastik dhe Shkodra më në fund do të behet qytet siç i ka hyje, me hyrjen siç i ka hije sepse deri më sot ka qenë e fshehur pas një hyrjeje katastrofike dhe krejtësisht të padenjë për emrin dhe reputacionin e Shkodrës.
Një ditë më parë Këshilli i Ministrave miratoi shpronësimin për interes publik, të pronarëve të pasurive të paluajtshme që preken nga realizimi i projektit “Rikualifikimi i hyrjes së qytetit të Shkodrës dhe bregut perëndimor të liqenit të Shkodrës”.Sipas këtij vendimi, pronarët do të kompensohen me një vlerë të përgjithshme prej rreth 403 milon lekësh, e cila do të përballohet nga buxheti i shtetit.
