Këngëtari shqiptar Ermal Meta dhe ai italian Fabrizio Moro janë akuzuar për plagjiaturë pas prezantimit të këngës “Non mi avete fatto niente”. TGCom shkruan se ajo është e ngjashme me një këngë të prezantuar në “Sanremo Giovani” në 2016-n. Ky lajm ishte pjesë e të gjithë media italianëve ku përflitej edhe për një skualifikim të mundshëm të dyshes. Kjo këngë shihet si një nga pretendetet për fitues të Sanremo 2018.
Ndërkohë ka reaguar edhe Rai: “Nuk është plagjiaturë, tani për tani qëndrojnë në garë. Jemi duke vlerësuar”.
Gjithashtu edhe drejtori artistik i Festivalit të Sanremos, Claudio Baglioni ka bërë thirrje për kujdes dhe maturi në lidhje me këtë çështje.
