Kandidati për deputet i PD në Shkodër, Arben Lushaj, i është përgjigjur kryebashkiakut Benet Beci, pas një deklarate të Partisë Socialiste ku ai u përmend si një prej kandidatëve që ka të afërm të punësuar në drejtoritë e Bashkisë Shkodër. Lushaj theksoi se kryebashkiaku Beci, i cili është nën hetim nga SPAK, “do të ketë një fund të mjerueshëm”.
Gjatë këtij takimi me banorët e lagjes “Tepe”, drejtuesi politik i PD për qarkun Shkodër, Luçiano Boçi, deklaroi se Beci po shpik skenarë për të shkarkuar nga puna në bashki edhe të afërmit e kandidatëve të tjerë të opozitës.
Anëtarë të Këshillit Bashkiak dhe banorët e lagjes “Tepe” u shprehën se në zgjedhjet e 11 majit, vota e tyre do të shkojë për Partinë Demokratike dhe kandidatin Arben Lushaj.
Mbështetja për Arben Lushajn po rritet ndjeshëm, duke e kthyer atë në një nga kandidatët më të preferuar në qarkun Shkodër.
