Kandidati për deputet i PD- ASHM për qarkun e Shkodrës, Kliti Hoti, ka zhvilluar një takim me të rinj studentë. Së bashku me drejtuesin politik të PD- që për qarkun Shkodër, Luçiano Boçi dhe me kandidatin tjetër Ted Kopliku, ata kanë zhvilluar një bashkëbisedim të hapur mbi problematikat e kësaj kategorie sociale.
“Në një bisedë energjike dhe plot me besim e shpresë për një të ardhme më të mirë! Për Shkodrën dhe Shqipërinë Madhështore!”, shkruan në rrjetet e tij sociale Kliti Hoti, duke publikuar edhe një video nga takimi.
Çeshtjet kryesore të trajtuara ishin zvarritjet për bursa, mungesa e infrastrukturës, mungesa e kartës së studentit, ndërsa kandidati Hoti premtoi angazhim maksimal për zgjidhjen e tyre pas 11 majit 2025, kur ai do të jetë deputet i qarkut të Shkodrës.
