Lara Colturi ka arritur nje tjetër rezultat fantastik në Botërorin e skive. 18 vjeçarja është renditur e dyta në garën e Sllovenisë duke u ngjitur për herë të parë në podium në disiplinën e Sllallomit Gjigant. Lara kishte bërë të njëjtën gjë edhe në nëntor, duke u renditur e dyta në garën e Austrisë, por më atë rast në disiplinën Sllallom.
18-vjeçarja italo-shqiptare garon me flamurin kuqezi dhe për herë të parë vendi ynë ia del të lërë gjurmë edhe në këtë disiplinë sportive. Ndërkohë në kalendarin e Kupës së Botës, Lara Colturi do të garojë në Sllallom të diel më 5 janar 2025.
