Emra të mëdhenj të artit, miq, shokë dhe familjare u mblodhën në një festë të veçantë në 80-vjetorin e lindjes së Mjeshtrit të Madh të humort Gëzim Krujës. Sa shumë urime, mirënjohje e respekt u përcoll në nder të Gëzim Krujës për kontributin e tij të pafundëm në artin shqiptar si një aktor humori i papërsëritshëm. U krijua një atmosferë ku gjithkush do të dëshironte të ishte pjesë e saj. Gëzim Kruja erdhi më i ri se kurrë e plot humor që e shoqëroi gjithë jetën.
Artistë që kaluan shumë vite në skenë me Gëzim Krujën e cilësojnë atë si një kolos të artit shqiptar, një njeri ku në zemrën e tij peshon më shumë se çdo gjë humori. Një humor i cili u shënjua në memorien tonë.
Një moment të veçantë në këtë 80 vjetor të Gëzim Krujës solli aktori Zef Deda me imitimin e kolegut tij duke aktruar bashkë me nipat e Gëzimit. “Faleminderit miqve dhe aktorëve që kam luajtur 60 vite në skenë. Ju uroj në 80-vjetorin tim u bëfshi 100 vjeça. Këtë urim e keni nga Gëzim Kruja”.
Video që shoqëron këtë text, ku janë përfshirë vetë disa minuta nga karriera e tij brilante, është një falenderim shumë modest nga ShkodraWeb Media për aktorin unikal e të papërsëritshëm Gëzim Kruja, duke e shoqëruar me urimin tonë nga zemra: Edhe 100 Profesor i humorit dhe sa më shpejt në skenë!
VIDEO – Riatdhesohen 40 shqiptarë azilkërkues nga Franca e Belgjika, nga fillimi i vitit janë në total 808…
PERSONAZH – Vajza e vogël e hirshme, Juli Shllaku arsimtarja që lanë në haurin e kalit tregon si shpëtuan fletoret me poezi të të atit
VIDEO – “Të enjten Rama ndryshon procedurën”, betimi tek Presidenti, PD: Heq barrierën e fundit për kapjen e Kushtetueses