Punonjësi i postës Besmir Lepi pretendon se Partia Demokratike ka shfrytëzuar dy të moshuar në Vau Dejës për të akuzuar me disa të pavërteta në adresë të tij. Dy të moshuarit Lodovik Rrethi dhe Marije Rrethi deklarojnë se kartat e identitetit i kanë harruar në postën e Barbullushit dhe se në momentin që i kanë lënë për të tërhequr pensionin, punonjësi i postës Besmir Lepi nuk ka qenë aty. Madje dy të moshuarit deklarojnë se postieri i ka ndihmuar gjithmonë duke qenë se ata jetojnë të vetmuar.
Ndërkohë vetë punonjësi i postës Besmir Lepi deklaron se ka afro një muaj e gjysëm që është transferuar nga posta e Barbullushit në postën e Bushatit dhe se nuk ka asnjë lidhje me këtë histori. Në një bisedë me punonjësin e postës dy të moshuarit pranojnë se kanë një javë dhe jo më shumë që kanë harruar kartat e identitetit dhe pranojnë gjithashtu se Besmir Lepi nuk ka qenë fare aty në momentin kur i kanë harruar kartat e identitetit.
Punonjësi i postës Lepi deklaroi se nuk është aspak normale që dy të moshuarit më të cilët nuk ka lidhje në këtë histori të shfrytëzohen në këtë mënyrë për arsye politike ndërsa tha se gjatë gjithë kohës ka ndihmuar dy të moshuarit në fjalë por edhe shumë të tjerë në Barbullush dhe tashmë në zonën e Bushatit ku është transferuar prej një muaji e gjysëm.
Lepi tha se nuk është e drejtë që të baltoset figura e tij për arsye politike nga ana e PD në një kohë kur nuk ka asnjë lidhje me këtë ngjarje.
