Është zgjedhur kryebashkiak i Malësisë së Madhe për herë të parë në vitin 2015. Është rizgjedhur 4 vite më pas në të njëjtën detyrë. Me 14 maj 203, shpreh dëshirën për të rikandiduar për mandatin e tretë e të fundit të mundshëm radhazi për një kryebashkiak, sipas Kushtetutës dhe ligjit 139/2015.
Për herë të parë, publikisht, Tonin Marina ka shprehur gatishmërinë e tij për të rikandiduar për pozicionin që mban prej rreth 7 viteve e gjysëm. Deklaratën e ka bërë në një intervistë për RTSH Shkodra, duke bërë paraprakisht një panoramë të investimeve serioze në Malësi të Madhe.
“Kuptohet që unë jam i gatshëm, por megjithatë janë strukturat e tjera të Partisë Socialiste, kryetari- kryeministri bashkë me kryesinë dhe të deleguarit e qarqeve që vendosin, duke testuar edhe zonat edhe bashkitë se cili do jetë. Por që duke pasë këto 8 vjet dhe një përvojë më shumë se njk person tjetër që mund të kandidojë, un jam i gatshëm. Por gjithsesi e vendos tjetërkush, nuk e vendosi unë”, ka pohuar Marina.
Edhe pse akoma nuk ka një zyrtarizim të kandidimit, Tonin Marina duket se është i vetmi kandidat për Malësinë e Madhe për PS- në, duke patur edhe një favor tjetër. Deri në këto momente, PD- ja jo vetëm nuk ka përcaktuar kandidatin e saj për 14 majin, por nuk ka mundur të kryejë as procesin e Rithemelimit në këtë degë.
