VIDEO – “Gurorja ndot ujin e pijshëm kur bie shi”, banorët e Postribës ptotestojnë duke bllokuar rrugën…

Në ditë kur ka reshje shiu, uji i pijshëm në shtëpitë e Paostribët turbullohet dhe bëhet i pakonsumueshëm. Sipas tyre, problemi është i kahershëmn dhe lidhet me aktivitetin e një guroreje në afërsit të vendburimit të ujit të pijshëm që furnizon ujësjellësin.

Sot, banorët kanë protestuar para ndertesës së Njësisë Administrative Postribë, duke kërkuar vemendjen dhe ndërhyrjen e instancave shtetërore, duke filluar nga ministra e kryeministri, qeverisja vendore dhe Ujësjellës- Kanalizime Shkodër sh.a.


Banorët kanë protestuar duke mbajtur në duar shishe me ujë të turbullt por edhe duke bllokuar për disa minuta rrugën që lidh Postribën me qytetin e Shkodrës. Ata kanë paralajmëruar se protestat do të vijojnë pa ndërprerje, deri në zgjidhjen e problemit të tyre.

Nga ana e tij, administratori i NJA Postribë Altin Shaba, thotë se është një problem i kahershëm turbullimi i ujit kur bie shi. Nga ana tjetër, Shaba tregon edhe raste kur uji është turbulluar edhe pa patur ujë përroi që kalon pranë gurores. Megjithatë, Shaba i kërkon instancave shtetërore të monitorojnë aktivitetin e gurore por edhe problemin  e ujit të pijshëm.