Partia Demokratike dhe LDG me pjesëmarrjen e Bordit Ekzekutiv të CDI Women dhe me pjesemarrjen e Kryetarit të koalicionit PD-ASHM, Prof. Dr. Sali Berisha, organizuan konferencën ndërkombëtare “Global She: Voices of Power, Unity, and Change” në Hilton Garden Inn, Salla Butrinti.
E ftuar, si përfaqësuesja e vetme e grave demokrate dhe shkodrane në konferencën “Global She”, ishte Senada Mehmeti, kandidate për deputete e PD- ASHM për Qarkun e Shkodrës, e cila ka përcjellë edhe mesazhin e saj.
“Kisha nderin të isha përfaqësuesja e vetme e grave demokrate dhe shkodrane në konferencën “Global She”. Në një kohë kur nëna trajtohet si “prind 1” dhe gratë përdoren si fasadë, unë ngrita zërin për dinjitetin, për familjen, për vlerat tona. Denoncova hapur përdorimin e grave si dekor politik, dëbimin e tyre nga puna sapo bëhen nëna, dhe shfrytëzimin ekonomik të tyre në një sistem të padrejtë që i kthen në viktima të mungesës së mbështetjes shtetërore. Ngrita zërin kundër përpjekjeve të qeverisë Rama për të shkatërruar vlerat tradicionale dhe shenjtërinë e figurës së nënës, duke e zëvendësuar me fjalë të ftohta si “prind 1” dhe “prind 2”. Gratë shqiptare nuk janë dhe nuk do të jenë kurrë fasadë! Ato janë zemra dhe forca e vërtetë e shoqërisë sonë. Koha për dinjitet, koha për ndryshim, koha për Shkodrën dhe gratë shqiptare!”, shkruan Senada Mehmeti në publikimin e saj në rrjetet sociale.
