Parashqevi Simaku dhe transformimi pozitiv i përditshëm i saj, është në fokusin e mijëra shqiptqrëve në katër anët e botës. Këngëtarja e njohur, po ri-integrohet me shpejtësi dhe falë mbështetjes së fortë të shumë individëve apo grupeve të shqiptarëve në SHBA.
Simaku është surprizuar edhe nga vizita e disa zonjave, drejtuese e përfaqësuese të Shoqatës Shqiptaro- Amerikane “Motrat Qiriazi”, një organizatë mjaft aktive jo vetëm në mbështetje të grave por edhe kategorive të tjera.
Parashqevia duket e ka vlerësuar mjaft këtë vizitë teksa shfaqet e lumtur, ia merr këngës bashkë me zonjat mysafire por edhe ia merr valles. Të gjitha këto momente janë fiksuar nga Elton Ilirjani, i cili ka një kontribut shumë të madhe në transformimin rrënjësor të Simakut, sigurisht bashkë me zonjën Elvira Tata që e gjeti në Nju Jork këngëtaren.
