VIDEO – Golat e dy “kuqebluve” vendosin barazimin në Korçë, Skenderbeu dhe Vllaznia “paqe” pas 45 minutave të para

Skënderbeu dhe Vllaznia po përballen ditën e sotme në Korçë, në sfidën e javës së 22-të të “Abissnet Superiore”. Të dyja ekipet kanë si qëllim tre pikët për objektivat e tyre personal.

45 minutat e para janë mbyllur në barazim, teksa Vllaznia e drejtuar nga Plori nuk po jep akoma lojën me të cilën ajo ka domunuar kundërshtarët. Të parët kaluan në avantazh vendasit me shkodranin Nikaj në minutën e 23- ët. Nikaj është një nga prodhimet e shumta të shkollës kuqeblu të futbollit që luan në Korçë.


Kuqeblutë gjejnë barazimin në minutën e 41- të me Da Silva, pas një topi të futur në zonë nga e majta nga Bulatoviç. Braziliani nuk e ka të vështirë ta shtyjë tolin në rrjetë. Vlen të theksohet se Mensah ka humbur një rast të pastër shënimi, falë ndërhyrjes së Zogoviç.

Korçarët po kalojnë një krizë rezultatesh dhe ndodhen në vendin e fundit të klasifikimit me vetëm 16 pikë dhe qëllimi kryesor është të mbijetojnë dhe këtë sezon.

Nga ana tjetër, Vllaznia ende shpreson te fjala “titull”, edhe pse ndodhet 12 pikë larg nga Tirana e vendit të parë. Gjithsesi, në rast të një fitoreje sot, shkodranët do t’i kenë sytë nga sfida midis Tiranës dhe Laçit, duke shpresuar te një fitore e kurbinasve.

LIVE Skënderbeu-Vllaznia 1-1
24′ Nikaj / 41′ Da Silva