“Histori të parrëfyera” është libri më i ri i gazetarit, publicistit dhe moderatorit të njohur Besi Bekteshi. Në mjediset e Galerisë së Arteve, rrethuar nga miq, kolegë dhe dashamirës të librit, autori promovoi librin që në thelb ka trajtimin e disa ngjarjeve që kanë të bëjnë me Shkodrën përmes këndvështrimit si historian, bazuar në punën dhe hulumtimet e tij në dosjet e Arkivit të Muzeut Historik të Shkodrës.
Si autor libri ai kërkon të përcjellë një mesazh për lexuesit e tij.E ka të vështirë të ndajë gazetarin nga historiani por narrativa e librit i përmban të gjitha. Gazetari i spikatur dhe njëkohësisht autori i librit Besi Bekteshi bëri edhe një falenderim publik për bashkëshorten e tij, Arbanën për kontributin e dhënë në redaktimin e librit “Histori të parrëfyera”.
ShkodraWeb i uron kolegut Besi Bekteshi shumë suksese, vijimësi dhe prodhimtari edhe në letërsi, pa u shkëputur nga gazetari, publicistika dhe moderimi, ku ka krijuar profilin e tij prej shumë vitesh tashmë.
Për bashkëpunime, publikime reklamash, njoftimesh në ShkodraWeb, mund të shkruani në SMS, Whatsapp, Viber +355 67 300 20 70 ose mail: info@shkodraweb.com në çdo kohë!
