VIDEO – Gara për kryetarin e PD- së Shkodër, vazhdon procesi i numërimit të votave, ja kur del rezultati…

Në orën 19:00 ka përfunduar procesi i votimit për kryetar të PD Shkodër. Gjithçka ka përfunduar brenda standarteve të duhura, pa asnjë problem apo kontestim nga 4 kandidatët në garë.

Pjesëmarrja ka qenë e kënaqëshme, me 1669  demokratë që iu përgjigjën thirrjes për të votuar më hollin e teatrit “Migjeni”. Aty ishin vendosur 5 kuti, ndërsa është numëruar kutia e parë vihej re një rivalitet në mes Arben Lushaj dhe Gjenarin Kapcari. Me gjasë, njëri prej tyre, do të jetë kryetari i ri i PD- së Shkodës.


Katër kandidatët, Arben Lushaj, Elvis Deda, Gjenarin Kapcari dhe Vildana Gushta janë të pranishëm në numërim, ndërsa ka prani edhe të mediave që raportojnë “live”. Me shumë mumndësi, rezultati do të dalë diku rreth orës 22:00.

Zgjedhjet kanë përfunduar në orën 19:00 edhe në Vau dejës, ku po numërohen votat. Ndërkohë, në Malësinë e Madhe pritet një vendim nga Komisioni i Rithemelimit pasi kutia e votimit është thyer.

REZULTATI PAS TRI KUTIVE TË NUMËRUARA

Gjenerin Kapcari 526 vota
Arben Lushaj 358 vota
Vildana Gushta 104 vota
Elvis Deda 72 vota