Prefekti i Qarkut të Shkodrës Valdrin Pjetri ka folur për gazetarët pas përfundimit të takimit me ministrin e brendshëm Sandër Lleshaj. Ai ka lënë të kuptohet se është folur për situatën e rendit në rajonin e Shkodrës. Njëkohësisht, ai ka thënë se do të ketë një vemendje të shtuar ndaj Shkodrës, edhe në kuadër të fillimit të sezonit të ri turistik. Sa i takon incidentit tek Vllaznia dhe cekjes së kësaj teme në takimin me Lleshajn, Pjetri e ka mohuar madje duke shtuar se nuk ka informacion dhe se nuk kishte dijeni nëse policia e kishte këtë informacion.
