Bulevardi “Mehmet Pashë Plaku” në qytetin tonë, ka patur domosdoshmëri ndërhyrjeje në infrastrukturën nëntokësore dhe mbitokësore. Është një zonë me densitet të lartë banorësh, njesishë tregtare e të shërbimit, pallate por edhe banesa private.
Është bërë te mundur të fillojnë investimet, falë financimit nga vetë të ardhurat e Bashkisë Shkodër, me vlerë 8,4 milion lekë. Projekti parashikon ndërtim të kanalizimeve KUB dhe KUZ, trotuare, sipërfaqe asfaltime, ndriçim LED, gjelbërim, pemë dekorative, stola dhe kosha për mbeturina, sinjalistikë rrugore.
Përfundimi i këtij investimi të rëndësishëm për zonën por edhe qytetin, do të krijojë një mjedis në sherbim dhe funksion të banorëve, bizneseve dhe njësive të shërbimit aty.
Investimet në Lagjen 4 të qytetit, do të vazhdojnë, ashtu si në të gjitha lagjet e njesitë e tjera administrative në Bashkine e Shkodrës.
