Mirel Josa është shfaqur sot i përmbajtur, më shumë se në daljet e tjera para mediave përpara ndeshjes me Laçin për Superligën. Trajneri i Vllaznisë ka vënë në dukje se sfida ndaj Laçit është përgatitur në qetësi të plotë.
Duke folur për rivalin e radhës, Josa ka vlerësura Laçin, duke u shprehur se nuk është në vendin që meriton dhe pikët që ka. I pyetur për suksesin e sezonit të kaluar, ku Vllaznia e mundi në shtëpi 5- 3 Laçin, ai ka nënvizuar se dy ekipet kanë drejtues e lojtarë të tjerë krahasuar me një vit më parë.
“Unë i harroj shpejt sukseset dhe fitoret”, ka thënë Josa, teksa ka kërkuar që pëtqendrimi në jetë maksimal në ndeshjet e radhës, duke lënë të kuptohet se kërkon të stopojë euforinë e mundshme.
Kaina, i cili shëni edhe një gol në sezonin e kaluar në Laç, nuk do të jetë i pranishëm, ka shtuar Josa. Ai ka konfirmuar rikthimin e Boshnjakut, por duke saktësuar se nuk do të jetë titullar.
Ndeshja me Laçin dhe një rezultat i mundshëm pozitiv, do të ndikonte për mirë tek Vllaznia pas humbjes me Partizanin në Shkodër për Supërligë. Por Josa ka kujtuar se ndeshja është e rëndësishme për Vllazninë, Laçin por edhe skuadrat e tjera.
