Si sot 28 vjet më parë Shkodra do të përjetonte një nga ngjarjet më të rënda por edhe më rëndësishme në krye të rrugëtimit të Shqipërisë drejt Demokracisë. Katër djem Shkodre do të bëheshin fli në altarin e Lirisë nga dora e diktaturës komuniste, në grahmat e saj të fundit.
Arben Broci, Bujar Bishanaku, Nazmi Kryeziu dhe Besnik Ceka dhanë jetën e tyre për të mos vdekur më kurrë.
Shkodra i ka kujtuar dhe do ti kujtojë gjithmonë me nderim e respekt katër Dëshmorët e Demokracisë! Mesazhi i “2 Prill 1991” është aktual gjithmonë dhe sot më shumë se kurrë, duhet të na udhëheqë drejt realizimit të aspiratës sonë kombëtare “E duam Shqipërinë si gjithë Europa”.
