Drejtuesi politik i Partisë Socialiste Benet Beci është takuar me banorë të zonës Dobraç i Ri në Shkodër. Ai shoqërohej në këtë takim nga një kandidat për deputet i PS.
Besmir Mataj, si pjesë e kësaj zone dhe një nga bashkëorganizatorët e këtij takimi shprehu mbështetjen maksimale për Partinë Socialiste dhe Benet Becin në këto zgjedhje si vijim i transformimit të Shkodrës.
Nga ana e tij drejtuesi politik Benet Beci kërkoi një votë masive me 11 Maj, për më shumë përgjegjësi dhe vemendje nga ana e qeverisë shqiptare për Shkodrën. Vetë banorët e kësaj zone pranuan se prej vitesh në këtë zonë nuk eshtë vënë dorë dhe se e vetmja shpresë e tyre është Partia Socialiste.
Lagjja “Mark Lula” ka qenë ndalesa e radhës e kandidatëve të Partisë Socialiste në Shkodër. Në këtë takim, ata kanë marrë mbështetjen maksimale të banorëve, duke i garantuar për një votë masive për numrin 5.
Në hapje të takimit ka qenë këshilltarja Alma Mehmetaj, e cila u ndal te investimi që pritet të nisë për pak ditë, në rrugën shumë të pritur “Roza Lejn”.
Për drejtuesin politik të PS, Benet Beci, kjo frymë transformimi për Shkodrën nuk duhet të ndalet, dhe Shkodra duhet të ketë një numër të madh deputetësh në Parlamentin Shqiptar nga Partia Socialiste. Vetë banorët u shprehën të kënaqur me atë çfarë po bëhet në Shkodër dhe projektet që tashmë kanë nisur.
