Luiz Ejlli dhe Kiara Tito, çifti më i preferuar i momentit në showbiz-in shqiptar, festojnë një vjetorin e njohjes së tyre. Ishte pikërisht 24 dhjetor i një viti më parë, kur ata, si banorë të shtëpisë BBVip, u takuan brenda saj.
Sot, Kiara Tito, tashmë bashkëshorte e Luiz Ejllit dhe në pritje të ëmbël të një vajze, ka publikuar një status në rrjetet sociale, duke shprehur ndjesitë e saj në këtë përvjetor të njohjes.
“Si sot 1 vite me pare, jeta ime dhe e jotja do te ndryshonin pergjithmone. Sikur ta dija perfundimin e lumtur te kesaj historie, do ti kaloja edhe 1000 here te tjera ato sfida, vuajtje dhe peripeci. Ne 24 dhjetor 2022, te takova ty, qe me mbushe shpirtin plot dhe me dashurove pa kushte, une si shperblim te dhash ty dhuraten me te bukur ne jete 👼🏻. Gezuar 1 vjetorin! Te Dua perjetesisht dhe faleminderit qe me ke bere te besoj ne perralla, sepse cdo gje qe ti ke bere per mua ka qene perfekte. @itsluizejlli
Kjo video ne fakt eshte dhe per kedo qe ne jete shpreson cdo dite, mos reshtni kurre se besuari sepse me e mira do te behet per secilin. Cdo vite i ri, eshte nje kapitull i ri ne jeten tuaj♥️ Faleminderit edhe njeher te gjitheve, qe besuat tek ne dhe na mbeshtesni cdo dite e me shume njesoj sikur te ishte dita e pare. #Luki Ju duam!”, shkruan Kiara Tito, duke publikuar edhe një video me momentet më të bukura të këtij viti.
Ndërkohë, edhe Luiz Ejlli i ka kushtuar vëmendjen e duhur përvjetorit të parë të njohjes me Kiara Titon. Ai madje, në këtë përvjetor të parë, ka vendosur të shtojë edhe një tatuazh tjetër në krahun e tij, pikërisht fytyrën e Kiara Tito.
Edhe ai, në këtë ditë të rëndësishme të njohjes së tyre, a shpërndarë një video, duke treguar edhe tatuazhin më të ri që ka shtuar, pikërisht si për të rikonfirmuar dashurinë e tyre që lulëzon tashmë prej shumë muajsh.
