3 Dhjetori është dita ndërkombëtare e personave me aftësi ndryshe. Në këtë kuadër, organizohen aktivitete të shumta sensibilizuese por edhe festive.
Shoqata e Invalidëve, Para dhe Tetraplegjikëve Dega Shkodër, në bashkëpunim me Bashkinë Shkodër ka organizuar një aktivitet festiv me pjesëmarrjen edhe të autoriteteve vendore. Kryetarja e Bashkisë Voltana Ademi, prefektja Majlinda Angoni dhe kryetarja e Këshillit Bashkiak Brisela Kadia kanë përcjellë mesazhet e tyre, duke garantuar vëmendje dhe mbështetje për këtë kategori sociale.
Në vazhdim, Ademi i ka dorëzuar kryetarit të kësaj shoqate Saimir Beqiri një certifikatë vlerësimi “Falenderim” për punën dhe kontributin e tij për këtë kategori shoqërore.
Festa ka vijuar me një program të shkurtër artistik me pjesëmarrjen e këngëtarit të mirënjohur Bujar Qamili dhe humoristit Tan Brahimi. Bashkia Shkodër, me rastin e 3 Dhjetorit, ka shpërndarë dhurata për antarët e shoqatës.
