28 Nëntori i këtij viti, solli një dhuratë të çmuar për shqiptarët e Malit të Zi. Në sheshin kryesor të Tuzit, komunës me shumicë shqiptare, u vendos shtatorja e Gjergj Kastriot- Skenderbeut, Heroit Kmbëtar të shqiptarëve.
Ishte një ceremoni vertetë madhështore, me prani të autoriteteve të larta në nivel të republikës së Malit të Zi por edhe trevave të tjera ku jetojnë shqiptarët. Gjithçka është zbukuruar më shumë me pjesmarrjen e yjeve të muzikës patriotike shqiptare, nga të gjitha trevat.
Ishin bashtëatdhetarët në SHBA ata që morën përsipër financimin e projektit, rreth 180 mijë USD, i cili do ti japë edhe emrin e Heroit Kombëtar sheshit kryesor të Tuzit. Tashmë për tuzjanët por edhe mbarë shqiptarët ka ardhur momenti i shumëpritur.
Vlen të theksohet se sistemimi i sheshit që do marrë emrin e Gjergj Kastriot- Skenderbeut, është financuar nga Bashkia e Tiranës. Shtatorja e Kastriotit të madh të shaiptarëve në Tuz, pason vendosjen e bustit të tij në Triesh pak kohë më parë.
