VIDEO/ “Dita e Biçliketave” në Shkodër, në qytetin ku është mjeti lëvizës më i dashur për të gjithë…

Biçikleta, mjeti tradicional i lëvizjes së shkodranëve, ka qenë në qendër të aktiviteteve të organizuara ditën e sotme nga Bashkia e Shkodrës në bashkëpunim me “The Door”.


“Dita e Biçikletave” ka startuar që të premten, teksa para servileve të biçikletave në qytetin e Shkodrës, u stampuan shenjat dalluese të mjetit më të dashur për shkodranët.

Dashuria për biçikletën në Shkodër lind e rritet bashkë me njeriun, që nga fëmijëria deri në pleqëri. Padyshim, Shkodra identifikohet me biçikletën por edhe biçikleta identifikohet me këtë qytet në Shqipëri.

Aktivitetet ditën e sotme kanë startuar para Bashkisë, për të lëvizur në disa rrugë e pika të qytetit, ku u përfshinë të gjitha moshat, kategoritë sociale që bashkohen nga pasioni për “dyrrotakshin” siç quhej dikur në Shkodër biçikleta.

Ndihmon në mbajtjen pastër të ajrit, është argëtim por përfiton edhe shëndeti i njeriut. Të gjitha këto, vetëm përmes një mjeti të thjeshtë siç është biçikleta! /Marrë nga faqja zyrtare e Bashkisë Shkodër në Facebook/

Mbështet ShkodraWeb Media

ShkodraWeb Channel