Deputeti demokrat Ervin Salianji ka publikuar deklaratën e kryeministrit Rama pak kohë më parë në Parlament i cili deklaron me bindje se do të dorëhiqet nëse dikush do të akuzohej për kryerje të veprave penale, apo do të ishte bashkëpunëtor në kryerjen e veprave penale. Salianji nëpërmjet një postimi në faqen zyrtare në ‘facebook’ përkrahë videos ka shkruar se ky kryeministër në kohën kur e kishte ministër Tahirin, thoshte se do të vihej në dispozicion të drejtësisë e ndërsa sot shfryn ajër bosh për komplote kazanësh.
Fjala e Ramës në Kuvend:
“Ne do të sanksionojmë si të pa shmangshëm detyrimin e prokurorisë për të provuar menjëherë, për të hetuar mbi bazën faktike të një akuze ku për shkak të detyrës dikush akuzohet se ka kryer një vepër penale, ose ka bashkëpunuar për të kryer një vepër penale. Në tërë ato hatara që ju kanë nxjerrë ato hapësira që e quani gojë, unë do të jap dorëheqjen dhe do të vihem në dispozicion të drejtësisë.”
Postimi i plotë i deputetit Salianji:
Vetëm pak kohë më parë kur Tahirin e kishte ministër, thoshte:
“Nëse prokuroria heton për lidhje me krimin jap dorëheqjen dhe i vihem në dispozicion drejtësisë….”
Sot shfryn ajër bosh për komplote kazanësh, thua se zhurma e ajrit të vet do mbysë bombat që i kanë plasur.
https://www.facebook.com/salianjiervin/videos/1579481712074299/
