Mbrëmjen e të enjtes ësht zhvilluar në media kombëtare debati i parë për zgjedhjet e 6 marsit për bashkinë në Shkodër. Në RTSH24, emisionin “Dekalog” të gazetarit Roland Qafoku, kanë qenë të pranishëm përmes Skype kandidatja e PS- së Majlinda Angoni dhe kandidati i “Shtëpia e Lirisë” Bardh Spahia. Ra në sy mungesa e kandidatit të PD- së zyrtare Xhemal Bushati.
Në studio përveç moderatorit Qafoku ishte i pranishëm korrespondenti i EuroNews për Shkodrën Dori Gjerga, Qamil Xhani, ndërsa me Skype nga Shkodra gazetari Simon Shkreli. Debati dhe pyetjet e gazetarëve janë perqendruar më së humti në aspektin politik të garës elektorale për Shkodrën por nuk kanë munguar as pyetjet konkrete të gazetarëve shkodranë për administrimin e Bashkisë Shkodër për dy kandidatët Angoni dhe Spahia.
Pas rreth 30 minutave, nga lidhja direkte është larguar kandidatja PS- së Majlinda Angoni, për shkak të agjendës, siç e deklaroi vetë ajo. Në vazhdim, për më shumë se një orë, kandidati Bardh Spahia i është përgjigjur pyetjeve të gazetarëve, duke shpalosur platformën e tij për administrimin e Bashkisë së Shkodrës pas 6 marsit.
Daljet dhe debatet televizive, sherbejnë që qytetarët e Bashkisë së Shkodrës, të njohin e të kuptojnë më mirë kandidatët dhe vizionet e tyre për pozicionin shumë të rëndësishëm për të cilin konkurrojnë, në rastin konkret, për kryebashkiak të kryeqendrës së Veriut.
Do të ishte mirë që të tre kandidatët, Angoni, Spahia dhe Bushati, të përballeshin në një debat publik mes tyre, në një studio televizive kombëtare apo edhe në mediat lokale të Shkodrës. Kjo do të ndihmonte mjaft edhe qartësimin e ideve të shkodranëve, se kush e meriton votën e tyre me 6 mars 2022.
Në shumë vende të zhvilluara, si në SHBA apo Europë, debatet televizive mes kandidatëve për pozicione të ndryshme shtetërore e publike, janë një rregulle i detyrueshëm, edhe pse i pa shkruar me ligj apo kushtetutën e shtetit përkatës.
Në Shqipëri, jo radhë ka ndodhur që kandidatët nuk kanë pranuar debatet me rivalët ose janë larguar nga debatet. Është koha që debatet politike mes kandidatëve të ndryshëm në të gjitha nivelet e pozicioneve qendrore, të kthehen në rregull. Nëse kjo ptraktikë do të niste nga Shkodra, do ti shtonte të tjera vlera demokratike qytetit. /ShkodraWeb/