Ndodh edhe kështu! Kretari i KLSH-së, Kontrollit të Lartë të Shtetit, Bujar Leskaj, është personazhi kryesor i një videoje që po qarkullon në rrjetet sociale. Në video, Leskaj ndodhet në një lokal së bashku me miqtë e tij, derisa në një moment ata vendosin që të “ndeshen” me njëri-tjetrin.
Leskaj mesa duket e ka marrë seriozisht garën dhe ka hequr këmishën duke ndenjur vetëm me kanotjere, ndërsa Sali Shehu, ish-deputeti i PD- së bën rolin e arbitrit në duel.
Nën efektin e àlkólit, Leskaj, të cilin nuk e mbajnë as këmbët, duket se krahas me pozicionin e rëndësishëm të kreut të KLSH nuk lë pas dore as pasionin për sportin e “sumos”.
“3 minuta ëëë…mbaroi raundi i parë”, dëgjohet në një moment që i thotë ish-deputeti Shehu, teksa Leskaj është shumë i përfshirë në garë.
Megjithatë nuk dihet se kur është xhiruar kjo video, edhe pse dritën e publikimit e ka parë tani, në një kohë kur mes Kuvendit dhe Presidencës ka përplasje për postin e tij.
Aktualisht Leskaj qëndron ende në detyrë përtej mandatit, ndërsa kreu i shtetit Ilir Meta i ka propozuar Kuvendin emrin e zëvëndësit të tij, Arben Shehu.
