Është duke u luajtur në Kavajë supersfida mes Besës dhe Bylisit. Një përballje që mund të vendosë shumë për objektivin që kanë këto ekipe në këtë kampionat. Aktualisht, ballshiotët janë tri pikë më shumë se Besa.
Në Kavajë nuk kish te ndodhur kurrë në këto 5 vitet e fundit që të kishte një interesim kaq të madh nga ana e tifozerisë vendase, teksa të pranishëm në stadium janë afro 1500 tifozë.
Besa dhe Bylis janë përballur dy herë këtë sezon. Në fazën e parë, kavajasit kanë fituar 2-0 në fushën e tyre, ndërsa në fazën e dytë kanë barazuar 0-0 në Ballsh. Për momentin, Besa është më e avantazhuar në ndeshjet direkte.
Në minutën e 78-të ndërpritet loja në Kavajë. Tifozët godasin me sende të forta gjyqtarin anësor Agaraj. Situata del nga kontrolli. Ndërhyn edhe Policia. Në minutën e 75- të Danaj ndëshkohet me karton të kuq për ndërhyrje “horror” ndaj sulmuesit të Bylisit, Guindo. Ka tension në Kavajë.
