Shkruan në Facebook Benet Beci, kandidat për kryetar i Bashkisë Shkodër: Si është sot Shkodra në mendimin tim? Shkodra si frymëzim, krenari e potencial dhe ngecja në zhvillim prej shumë vitesh.
Qyteti me probleme të dukshme të menaxhimit të qytetit, të investimeve, të rregullit; një Shkodër që për fat të keq është shumë larg dëshirës dhe aspiratave që kanë shkodranët.
Unë vlerësoj në maksimum punën, luftën e sakrificat e çdo qytetari shkodran, por pyetja që kam është: çfarë ka ndodhur me qytetin? E kjo nuk është një lloj analize se çfarë shoh, por shqetësim për faktin se kur dhe çfarë duhet të bëjmë dhe nga duhet ta fillojmë.
