Startoi në Bashkinë Shkodër projekti EU4Municipalities financuar nga Bashkimi Europian. Ky projekt i dedikohet 61 bashkive të Shqipërisë dhe ka për qëllim nxitjen e zbatimit të planeve dhe objektivave strategjike dhe zhvillimore të bashkive dhe forcimin e kapaciteteve vendore për menaxhimin e fondeve të BE-së.
Fushat prioritare për Thirrjen e Parë për Aplikime për Grante janë:
Rehabilitimi dhe modernizimi i infrastrukturës dhe shërbimeve publike vendore.
Promovimi dhe mbështetja e zhvillimit ekonomik vendor të qëndrueshëm dhe gjithëpërfshirës dhe krijimi i vendeve të punës.
Në total, fondi në dispozicion të bashkive që do të aplikojnë është 2.6 milion euro, nga të cilat 2.5 janë akorduar nga Bashkimi Europian. Bashkitë mund të aplikojnë për projekte me vlerë deri në 200 mijë euro.
