“Shtëpia e Lirisë” ishte e fundit që mbylli fushatën elektorale të zgjedhjeve të 6 marsit për Bashkinë e Shkodrës. Pedonalja “Kol Idromeno” ishte mbushur me mbështetës, përkrahës e votues demokratë dhe të “Shtëpia e Lirisë”.
Tubimi përmbyllës ishte parashikuar edhe si një festë, teksa një grup i njohur i muzikës rock ka interpretuar disa pjesë mjaft të njohura muzikore për kënaqësinë e të pranishmëve.
Në fjalën e tij para të pranishmëve që kishin mbushur pedonalen, Spahia ka falenderuar shkodranët për mbështetjen e dhënë gjatë kësaj fushate, teksa ka përsëritur se do të fillojë një kapitull i ri për Shkodrën e cila do të qeveriset nga vetë banorët e saj.
Pas kandidatit Spahia, e ka marrë fjalën ish- kryeministri Sali Berisha. Duke folur edhe për rëndësinë politike të 6 marsit, ai ka kërkuar votën e shkodranëve edhe për të pershpejtuar largimin e dyshes Rama- basha, të parin nga qeverisja e vendit dhe të dytin nga Partia Demokratike.
