VIDEO – Banorët e Vau- Dejësit në protestë, janë kundër dhënies tek privati të sherbimit të pastrimit, akuza Mark Babanit…

Banorë të Bashkisë Vau- Dejësa kanë protestuar sot kundër administratës Babani, lidhur me kalimin tek privati të sherbimit të pastrimit. Me pankarta të duara, ata kanë nisur të protestojnë nga Pedonalja, në drejtim të ndertesës së Bashkisë Vau- Dejës. Duke folur për mediat, banorët kanë evidentuar edhe mjaft problematika të tjera, duke nisur nga gushti 2019 dhe në vijim.

Në unison ata shprehen se u janë shtuar taksat bashkiake, ndërsa nuk marrin sherbimet nga Bashkia Vau- Dejës. Banorët akuzojnë për abuzime administratën bashkiake të drejtuar nga Mark Babani, ndërsa paralajmërojnë përshkallëzim të protestave, deri në bllokim të rrugëve në territorin e Bashkisë Vau- Dejës. As shiu i rënë ditën e sotme, nuk ka penguar banorët të protestojnë para Bashkisë së Vau- Dejësit.

Armando Lekaj: Shumë qytetarë nuk janë në dijeni që aktualisht Bashkia e Vau Dejësit ka hedhur në tenderim dhe pritet të lidhë kontratën me objekt “Shërbim pastrimi për vitin 2021, 2022, 2023” në vlerën 75,458,496 lekë. Në një kohë kur ky shërbim sot ka një kosto prej 8 milion lekësh.

Për çudi nuk mjaftohen me kaq dhe me paftyresine më të madhe kriteret dhe specifikimet teknike të kërkuara në këtë tender parashikojnë mjete pastrimi shumë herë më të vjetra ndërkohë që ato aktuale i përkasin viteve 2013-2014.

Edhe pse egziston Agjensia e Prokurimeve Publike e cila ka për detyrë të monitorojë dhe kontrollojë këto procedura… edhe pse ekziston kontrolli lartë i shtetit dhe prefektura e Qarkut Shkodër, arrihet deri aty sa të lejohet një tender i tillë i cili parashikon shërbimin e pastrimit, si për ironi të fatit në zonat: Vig-Mnele, Shllak, Temal dhe në ato fshatra ku nuk ka as edhe një banorë prezent, vende ku edhe varka e ka të vështirë të kalojë.

Kërkoj të anulohet në mënyrë të menjëhershme ky tender abuziv dhe personat përgjegjës të shkojnë para drejtësisë. I bëj thirrje prokurorisë së rrethit gjyqësor shkodër të ndërhyjë në mënyrë të menjëhershme për të parandaluar vjedhjen e taksave tona nga jakat e bardha. I bëj thirrje Kryeministrit që të ndërhyjë në mënyrë të menjëhershme për parandalimin e këtij fenomeni të pashoq në të kundërt protestat tona do të përshkallëzohen.

ShkodraWeb Channel

ShkodraWeb Channel

Open

Close