Bekim Balaj do të mungojë në ndeshjen me Teutën mbrëmjen e të dielës në “Loro Boriçi”. Lajmin e dha në konferencën për shtyp trajneri i Vllaznisë Thomas Brdaric.
Thomas Brdaric, Trajner i Vllaznisë: Balaj është lideri ynë, pikë kryesore e ekipit por Mensah e zëvendësoi jo keq. Balaj do mungojë ndeshjen e nesërme, diskutojmë për mënyrën si do të rikuperohet që ta kthejmë sa më shpejt në fushën e blertë. Është një problem që duhet ta zgjidhim.
Trajneri Brdaric ka komentuar gjerësisht, pas interesit të gazetarëve, edhe ndeshjen me Egnatian.
Thomas Brdaric, Trajner i Vllaznisë: Duhet të mësojmë nga puna jonë, fokusi do të jetë si duam të luajmë, sepse çdo ndeshje është një sfidë e re për ekipin. Jam i kënaqur me përkushtimin dhe përformancën në përgjithësi por në fund ne morëm vetëm një pikë. Pasi bëmë analizën e kësaj ndeshje, konstatuam se kishim mundësi të merrnim më shumë. Por nuk duhet të harrojmë se po luanim kundër kampionëve në fuqi dhe është gjithmonë një ndeshje speciale. Arritëm ti përballojmë në një mënyrë profesionale. Kur ne arrijmë të tregojmë një paraqitje siç e patëm pjesën e dytë me Egnatian, atëherë çdo gjë është e mundur.
Tekniku gjerman ka folur edhe për tifozët, por duke iu rikthyer sërish ndeshjes me Egnatian.
Thomas Brdaric, Trajner i Vllaznisë: Jam i kënaqur me tifozët, me mënyrën si na mbështesin por duhet të kuptojnë se përgjatë 90 minutave, ndodh çdo gjë në futboll. Çdo lojrat që ishte në fushë ka marrë diçka pozitive nga kjo ndeshje. Mund të them se jo çdo gjë në pjesën e dytë ishme mirë apo çdo gjë në të parën ishte keq. Në pjesën e dytë luajtëm më mirë pasi arritëm ti kapin në zonën e tretë të fushës. Nuk arritëm të shënojmë në fillim të pjesës së dytë. Nëse do të kishim shënuar më herët, atëherë mundësia do të ishte më e lartë të fitonim ndeshjen.
Duhet të tregojmë se duam ta fitojmë ndeshjen, ka thënë trajneri i Vllaznisë në daljen e tij për mediat, teksa ka shtuar se në ekip ka mjaft energji.
Thomas Brdaric, Trajner i Vllaznisë: Kryesorja është se si duam të implementojmë lojën tonë. Kemi shumë energji në ekip, kemi edhe mjaft dëshirë, duhet të tregojmë se duam ta fitojmë ndeshjen. Duhet të mbajmë çdo gjë në balancë, bashkë me stafin. Po ashtu, të mbështesin lojtarët deri në maksimum.
Vllaznia tashmë në vendin e tretë në Superligë, synon akoma të përmirësojë pozicionin në renditje, duke qenë e favorizuar në fazën e Final 4, nëse arrin dy vendet e para të Superiores.
