Fondacioni “Fëmijët Shqiptarë Domenick Scaglione” ka organizuar një Konferencë Ndërkombëtare mbi Çrregullimet e Spektrit të Autizmit, të cilit i ka dedikuar një vëmendje të veçantë që në ditët e para të themelimit.
Pas përfundimit të punimeve të konferencës, Mehmeti ka takuar presidenten e Fondacionit Liri Berisha, drejtues dhe aktivistë të tjerë të tij, si dhe personalitete nga brenda e jashtë vendit në këtë event. Ajo ka përcjellë edhe mesazhin e saj mjaft të rëndësishëm.
“Në përfundim të Konferencës Ndërkombëtare mbi Çrregullimin e Spektrit të Autizmit, pata kënaqësinë të bisedoja me znj. Liri Berisha për sfidat reale që përjetojnë fëmijët dhe familjet e tyre. Autizmi nuk kërkon mëshirë, por politika të forta sociale, mbështetje konkrete dhe investime serioze! Një shoqëri që neglizhon fëmijët e saj më të ndjeshëm, humb shpirtin e vet. Koha për të vepruar është tani. Koha për një Shqipëri që nuk i lë më askënd pas! Kjo vjen si rezultat i rasteve konkrete që na kanë prekur gjatë takimeve sy më sy me qytetarët. Çdo histori që dëgjojmë është një thirrje për më shumë vëmendje, për më shumë veprim, për më shumë dinjitet. Në një Shqipëri që duam të ndërtojmë, askush nuk duhet të ndjehet i vetëm përballë sfidave të jetës!”, shkruan Senada Mehmeti.
Jo vetëm gjatë prezantimit publik si kandidate për deputete por edhe më herët, Senada Mehmeti ka treguar se aktivizmi për tema të rëndësishme sociale, sidomos në favor të grave, vajzave dhe fëmijëve, është i një ndjeshmërie mjaft të lartë. Mbase, pikërisht për këtë arsye, ajo ishte e vetmja pjesëmarrëse në këtë konferencë ndërkombëtare.
