Sheshi para Bashkisë Shkodër është mbushur me ngjyra, buzëqeshje dhe atmosferë festive në kuadër të aktiviteteve për Ditën Ndërkombëtare të Fëmijëve. Qindra fëmijë iu bashkuan festës së organizuar në qendër të qytetit, duke shijuar lojëra, piktura, muzikë, akullore dhe surpriza të shumta.
Kryetari i Bashkisë Shkodër, Benet Beci, u shpreh se fëmijët i dhanë qytetit ngjyrat më të bukura me energjinë dhe ëndrrat e tyre, duke e kthyer sheshin para Bashkisë në zemrën e festës së 1 Qershorit.
Qindra fëmijë shijuan këtë aktivitet festiv të krijuar në qendër të qytetit. Festa e 1 Qershorit solli një ditë plot argëtim, kreativitet dhe gëzim për më të vegjlit, ndërsa Bashkia Shkodër përcolli mesazhin se investimi tek fëmijët mbetet investimi më i rëndësishëm për të ardhmen e qytetit.
Ndërkohë, në Ditën Ndërkombëtare të Fëmijëve, Bashkia Shkodër ka përuruar kopshtin e rikonstruktuar “1 Qershori”, i cili tashmë vjen me ambiente tërësisht të transformuara dhe të përshtatura për nevojat e fëmijëve.
Kryetari i Bashkisë Shkodër, Benet Beci, u shpreh se investimi sjell hapësira më të sigurta, më moderne dhe më funksionale për të vegjlit, duke garantuar kushte më të mira për edukimin dhe zhvillimin e tyre.
Me këtë investim, Bashkia Shkodër vijon fokusin te përmirësimi i infrastrukturës arsimore, duke krijuar ambiente dinjitoze për fëmijët dhe stafin edukativ.
