Të shtëna me armë Shkodër në lagjen Rus. Mësohet se persona të paidentifikuar kanë qëlluar me armë drejt një automjeti tip “Audi A3” në ecje.
Bëhet me dije se fatmirësisht nga të shtënat nuk ka persona të lënduar, ndërsa automjeti ka plumba në njërin prej xhamave.
Nga këqyrja paraprake e makinës, janë vënë re se plumbat e dalë nga një kallashnikov, kanë depërtuar në njërin prej xhamave të tij.
Policia ndodhet në vendin e ngjarjes dhe po punon për sqarimin e plotë të rrethanave të saj si dhe identifikimin dhe kapjen e autorit.
Sipas informacioneve paraprake, mjeti drejtohej nga Alban Bruçi dhe është qëlluar pranë banesës së tij.
NJOFTIMI I POLICISË SHKODËR
Rreth orës 21:30, shtetasi A. B., 25 vjeç, ka kallëzuar se, në lagjen “Partizani”, Shkodër është qëlluar me armë zjarri pistoletë në drejtim të automjetit tip “Audi”.
Nga të shtënat nuk ka persona të dëmtuar.
Grupi hetimor, nën drejtimin e Prokurorisë, vijon punën në vendngjarje për sqarimin e plotë të rrethanave, dokumentimin ligjor të kësaj ngjarjeje, identifikimin dhe kapjen e autorit/ëve.
Shërbimet e Policisë kanë ngritur pika kontrolli edhe në zonën përreth, me qëllim kapjen e autorit/ëve.
Ngjarja në 2016
Në prangat e Policisë Shkodër përfundoi Alban Bruçi, 19 vjeç. Ngjarja për të cilën akuzohet ka ndodhur më 1 prill të këtij viti në lagjen “Vojo Kushi” pas teatrit “Migjeni”. I iu qëlloi me armë në drejtim të shtetasit me iniciale A.J, i cili po udhëtonte me një automjet.
Bruçi akuzohet për vrasje me dashje e mbetur në tentativë. Ne 1 Prill ngjarja që terrorizoi banorët e zonës ka ndodhur në afërsi të teatrit “Migjeni” ndërsa fatmirësisht nuk ka të lënduar.
Dëshmitarët në vendin e ngjarjes treguan se kishin qënë 2 automjete një me targa italiane dhe automjeti tjetër me targa të huaja.
Njëra nga makinat kishte qënë në ecje kur një person ka qëlluar me kallashnikov nga dritarja e pasagjerit në drejtim të automjetit tjetër të parkuar në rrugë ku brenda po qëndronin disa persona të cilët mendohet se i janë përgjigjur me armë.
Ndërkohë që tre muaj më vonë blutë e Shkodrës kanë zbardhur edhe dinamiken e kësaj ngjarje duke vënë në pranga një shtetas.