Artan Gjuzi, avokati mbrojtës i shtetasit Arsen Stojku i cili është i dyshuar për ekzekutimin e vellezërve Bilali në Shkodër, ka folur sot për mediat para Gjykatës së Shkallës së Parë.
Ai deklaroi se Stojku po mbahet padrejtësisht në paraburgim duke qenë se sipas tij kanë mbaruar afatet e paraburgimit dhe prej dy muajsh duhej të ishte liruar por Gjykata e Shkallës së Parë në Shkodër e ka rrezuar këtë kerkesë të avokatit.
Sipas palës mbrojtëse ndaj Stojkut nuk ka asnje provë që mund ta implikoje si autor në vrasjen e vëllezërve Bilali, ndaj sipas avokatit, vijon të mbahet padrejtësisht në një kohë kur kanë mbaruar edhe afatet e paraburgimit.
Avokati Gjuzi tha se do ta apelojë çështjen në Gjykatën e Apelit në Shkoder por edhe do vijoje ankesat e tij në institucionet më të larta në vend siç është Këshilli i Latë Gjyqësor, lidhur me këtë çështje.
