Ndërmarrja e Ujësjellës Kanalizime Qarku Shkodër pas një ankese lidhur me ujërat e zeza në pedonalen e qytetit të Koplikut në Malësinë e Madhe si shkak i ndërtimit të një pallati të ri atje, ka ndërhyrë menjëherë.
Drejtori teknik, inxhinier Lazër Pema tregon se UKQ bëri të mundur në një kohë shumë të shpejtë normalizimin e situatës duke sistemuar ujërat e zeza që dilnin në pedonalen kryesore dhe që u kthyen në një shqetësim për qytetarët.
Ndërkohë UKQ i bën thirrje të gjitha firmave të ndërtimit që të jenë të kujdesshëm në ndërtimin e objekteve të reja si dhe të veprojnë sipas rregullave të sigurimit teknik deri në çdo detaj në mënyrë që të mos përsëriten situata të tilla të ngjashme.
Ndërmarrja e Ujësjellës Kanalizime Qarku Shkodër falenderoi qytetarët për bashkëpunimin dhe siguron se UKQ do jetë në shërbim të qytetarëve për çdo shqetësim të mundshëm.
