Gruda e Re në rrethina të Bashkisë Shkodër, ishte ndalesa e radhës e drejtuesit politik të PD- së për Qarkun Shkodër, Luçiano Boçi. Ai shoqërohet nga kandidatet Senada Mehmeti dhe Greta Bardeli si dhe ish- zëvendëskryetari i Bashkisë Shkodër, Tonin Dedaj.
“Bashkë me Gretën, Senadën dhe Toninin. Me banorët e Grudës nuk guxojmë të mashtrojmë si ata përballë nesh. Angazhimi ynë është konkret. Një plan emergjence, minimum jetik 200 euro në 100 ditët e para, që i mbyll dyert varfërisë dhe që çliron qeverisjen nga bunkeri i Surrelit.”, shkruan nënkryetari i PDSH- së Luçiano Boçi në rrjetet e tij sociale, ku ka publikuar edhe një video nga takimi.
