Mbrëmjen e sotme, kandidati për president në FSHF, Bashkim Fino, ka ftuar në një darkë të gjithë kryetarët e bashkive të Partisë Socialiste, që kanë të drejtë vote në Asamblenë e Përgjithshme, që do të mbahet nesër prej orës 9.
Në darkë kanë qenë emra të njohur, si Erion Veliaj, kryetari i bashkisë Tiranë, apo edhe Gaz Demi, presidenti i Partizanit. Gjithashtu, ftesës së Finos për darkë i janë përgjigjur të gjithë kryetarët e bashkive.
Më herët vetë Fino “denoncoi” rivalin Duka se po mbledh në një darkë antarët e asamblesë së FSHF për të tentuar manipulimin e tyre para zgjedhjeve. Mesa duket ideja i ka pëlqyer Finos dhe e ka vënë në zbatim me urgjencë.
